RHOGOMANES

RHOGOMANES
Ρ῾ωγόμανες, Marciano et Ammiano Ρ῾ώγανις, fluvius Persidis est, iuxta quem Persaepolis; forte idem cum Araxe; quem ad ipsam Persaepolim transiisse alexander legitur, apud Strabonem, quique alius omnino erat e nominatissimo Armeniae Araxe. Certe ώγανιν hunc quidam videntur Α᾿ράξην vocâsse graecatiore, ut ille loquitur, appellatione. Si enim sonum spectes vocabuli, idem Ρ῾ώγανις significat; quod Α᾿ράξης; cum Graecis ῥωγἠ idem sit, quod ῥῆξις, ruptura; unde ῥωγάδες, et ῥωγαλέον. A perrumpendis autem obicibus, Rhoganis nomen forte habuit; quem Alexandri comites aliô nomine sed idem significante, Α᾿ράξην appellâsse videntur. Nam Α᾿ράξης, ἀπὸ τοῦ ἀῥῥάξαι, quod itidem perrumpere notat. Qua de re vide Salmas. ad Solin. p. 1202. ut et in voce Rhogomanis.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.